ဆင်းရဲတဲ့ ပြည်သူတွေ စစ်တွေနဲ့ ဘူးသီးတောင်အကြားမှာ သေရေး ရှင်ရေး ဖြစ်နေရင်တောင်မှ ခရီးမသွားနိုင်တော့ဘူး။ ဒါကြောင့် သင်္ဘောခကို အရင် အစိုးရ ဈေးနုန်းနဲ့ ယူနိုင်မလား၊ ယူနိုင်မယ်ဆိုရင်ဆွဲ၊ မယူနိုင်ဘူးဆိုရင် ပုဂ္ဂလိက လက်ကနေ သင်္ဘောလိုင်းကို အစိုးရကို ပြန်အပ်ဖို့ ဦးဇင်းတို့က စာရေးတောင်းဆိုလိုက်တာ ဖြစ်တယ်။ မြို့ပေါ်က ရဟန်းတွေ အကုန်လုံးပါတယ်။ ဆရာတော် ၂၇ ပါးက လက်မှတ်ထိုးပြီး နဂါးမင်း ကုမ္ပဏီ ဦးကျော်ညွှန့်ဆီကို စာရေးတောင်းဆိုလိုက်တာ ဖြစ်ပါတယ်" ဟု ဦးဆောင်ဆရာတော် ဦးသောမက နိရဉ္စရာသို့ မိန့်ကြားသည်။
စစ်တွေနှင့် ဘူးသီးတောင် သင်္ဘောလမ်းကြောင်းမှာ ရခိုင်ပြည်နယ် အတွင်း လူသွား လူလာ အများဆုံး လမ်းဖြစ်ပြီး အစိုးရမှ ပုဂ္ဂလိက လက်ကို ၂၀၁၁ ခုနှစ်မှ လွဲပြောင်းပေးလိုက်သည့် အချိန်မှ စတင်ပြီး သင်္ဘောခ တစ်ကြောင်းကို (၆) ဆထိ မြင့်တင်ကာ ကောက်ခံခဲ့သည်။
" အစိုးရက ကိုင်တွယ်နေတုန်းက စစ်တွေနဲ့ ဘူးသီးတောင် သဘောင်္ခက ကျပ် ၅၀၀ ဘဲရှိတယ်။ ဒါကို ၆ဆထိ တိုးပြီး ၃၀၀၀ ကျပ်ထိ နဂါးမင်း ကုမ္ပဏီက ကောက်ယူတယ်။ ဒါကြောင့် ဘူးသီးတောင်ကနေ စစ်တွေကို တစ်ခါ သွားဖို့ဆိုရင် သာမန် လူတစ်ဦး အနေနဲ့ ငွေ တစ်သောင်း၊ နှစ်သောင်း မရှိရင် သွားလာလို့ မရတော့ဘူး။ သင်္ဘောခမြင့်တက်သွားတဲ့ အတွက် လူတွေ အထူး ထိခိုက်နေပြီး သင်္ဘောမစီးနိုင်တဲ့ အတွက် သင်္ဘောပေါ်မှာ လူတောင် မပါတော့ဘူး။ ဒါကြောင့် ဆင်းရဲတဲ့ ပြည်သူတွေအတွက် ဦးဇင်းတို့က သင်္ဘောခ ဈေးကျအောင် တောင်းဆိုရတာ ဖြစ်ပါတယ်" ဟု ဦးဇင်းသောမက ပြောသည်။
စစ်တွေနှင့် ဘူးသီးတောင် အကြား ပြေးဆွဲနေသော အစိုးရပိုင် ဓည၀တီ (၁)၊ ဓည၀တီ (၂)နှင့် ဓည၀တီ (၃) သင်္ဘောမျာ့းအားလည်း အစိုးရမှ နဂါးမင်း ကုမ္ပဏီိသို့ လွဲပြောင်း ဌားရမ်းထားပြီး အဆိုပါ သင်္ဘောများဖြင့် စစ်တွေ- ဘူးသီးတောင် သင်္ဘောလိုင်းကို ပြေးဆွဲနေသည်။
စစ်တွေ- ဘူးသီးတောင် သင်္ဘောလိုင်းအား ၂၀၁၁ ခုနှစ် ဇူလိုင်လ ၁၂ ရက်နေ့က စပြီး ပုဂ္ဂလိက လက်ကို လွဲပြောင်း ပေးအပ်ခဲ့ပြီး ယခုလ (မတ်လ) ၂၆ ရက်နေ့တွင် နောက်ထပ် တနှစ်သက်တမ်း အတွက် အစိုးရနှင့် နဂါးမင်း ကုမ္ပဏီအကြား စာချုပ် ချုပ်ဆိုရန် စီစဉ်နေကြောင်း သိရသည်။
" ဦးဇင်းတို့က နောက်ထပ် စာချုပ် မချုပ်ဆိုမှီမှာ ကုမ္ပဏီဆီကို စာရေးအကြောင်းကြားထားတယ်။ တကာ ဦးကျော်ညွှန့် ဆီကတော့ ဘာမှ အကြောင်းပြန်ကြားတာမျိုး မရှိသေးဘူး။ ဒါပေမယ့် ဦးဇင်းတို့ တောင်းဆိုတာကို မလိုက်လျော့ရင် နိုင်ငံတော်ထိ တိုင်ကြားမယ်။ တစ်ဆင့်ပြီး တစ်ဆင့် လုပ်သွားမယ်။ တစ်နေ့ လုပ်အားခ ကျပ် ၁၀၀၀ တောင် မရတဲ့ ဦးဇင်းတို့ ဒေသက လူတွေ ဒီသင်္ဘောခ ဈေးကြီးတာကြောင့် တော်တော့ကို အခက်ကြုံနေရပါတယ်" ဦးဇင်း သောမက ပြောသည်။
အဆိုပါ ကိစ္စနှင့် ပတ်သက်ပြီး နဂါးမင်း ကုမ္ပဏီသို့ ဆက်သွယ်မေးမြန်းရန်ကြိုးစားသော်လည်း ဆက်သွယ်၍ မရရှိခဲ့ကြောင်းသိရပါတယ်။
ယခုကဲ့သို့ သင်္ဘောခ ဈေးကြီးသွားသဖြင့် ကြုံတွေ့နေရသော အခက်အခဲကို ဘူးသီးတောင် သင်္ဘောဆိပ်မှ အမျိုးသမီးတစ်ဦးအား မေးကြည့်ရာ သူက ယခုလို ပြောသည်။
" စစ်တွေနဲ့ ဘူးသီးတောင်အကြားမှာ ခရီးသွားမယ်ဆိုရင် ကားလမ်းလည်း မရှိတဲ့ အတွက် ဒီရေလမ်း တစ်ခုတည်းကိုဘဲ အားကိုးသွားနေကြရတာ ဖြစ်ပါတယ်။ ခုလို ပြည်သူတွေ အားကိုးအားထားပြုနေရတဲ့ လမ်းကို အစိုးရက ပုဂ္ဂလိက လက်ကို အပ်လိုက်တဲ့ အတွက် ပုဂ္ဂလိက ကုမ္ပဏီက သူတို့ တစ်ခုတည်းရဲ့ အကျိုး အမြတ်ကို ကြည့်ပြီး သင်္ဘောခ လက်မှတ် တစ်စောင်ကို ကျပ် ၃၀၀၀ ထိတင်လိုက်ပါတယ်။ ဒီငွေဟာ တတ်နိုင်တဲ့ သူတွေ အတွက် ဘာမှ မဟုတ်ပေမယ့် လက်လုပ် လက်စားတွေ အတွက် မတတ်နိုင်တဲ့ ငွေကြေး ဖြစ်ပါတယ်။ ဒါကြောင့် ရသေ့တောင်၊ ညောင်ချောင်းတို့ကနေ ဘူးသီးတောင်တို့ မောင်တောတို့ကို လာပြီး ဟင်းသီး ဟင်းရွက်တွေ လာရောင်းတဲ့ သူတွေလည်း လာမရောင်း နိုင်တော့ဘူး။ သူတို့ တော်တော်ကို အခက်အခဲဖြစ်သွားပါတယ်" ဟု ပြောသည်။
အခုလို ပုဂ္ဂလိကလက်ကို ရောက်လို့ဒုက္ခရောက်တော့ အစိုးရထံပြန်အပ်ဖို့တောင်းဆိုတာတွေ့ ရပေမယ့် အစိုးရက အနစ်နခံပြေးဆွဲပေးနေစဉ်ကတော့ ဘယ်သူမှကောင်းကြောင်း ကျေးဇူးတင်ကြောင်းမပြောခဲ့ပါဘူး...ပြည်သူတွေကလည်း အခက်အခဲနှင့် ပြဿနာတွေကို အစိုးရကို တင်ပြနိုင်သလို ကောင်းတာလေတွေကိုလည်း ထုပ်ဖော်ပြောသင့်တယ်လို့ ထင်ပါတယ်... အစိုးရအပါအ၀င် ဘယ်အဖွဲ့အစည်းမှ ရာနှုန်းပြည့်ကောင်းမွန်တယ်ဆို တာမရှိနိုင်ဘူးဆိုတာ နာလည်မှုရှိရမှာဖြစ်ပါတယ်...
ဘူးသီးတောင်-မောင်တောဘက်က ပြည်သူတွေ တကယ်ဒုက္ခရောက်နေတာ အစိုးရကသိရင်တော့ သင်္ဘောလိုင်းကို ပြန်လည်လက်ခံပြီး နိုင်ငံတော်က အနစ်နာခံပြန်လည်ပြေး ဆွဲပေးမယ်လို့ မျှော်လင့်ပါတယ်..ဆက်လက်ပြီးတော့လည်း တင်ပြသင့်တယ်လို့ထင်ပါတယ်.......
No comments:
Post a Comment