From : ထူးအောင်
အတွဲ ၂၉ ၊ အမှတ် ၅၇၃ (၁၅ - ၂၁ ၊ ၆ ၊ ၂၀၁၂)
အစိုးရ အငြိမ်းစားဝန်ထမ်းများ ပင်စင် လစာငွေများကို e-Pension စနစ်ဖြင့် ထုတ်ယူနိုင်ရန် ပြင်ဆင်လျက်ရှိကြောင်း မြန်မာ့စီးပွား ရေးဘဏ်မှ တာဝန်ရှိသူ တစ်ဦးက ပြောသည်။ "အခုလောလောဆယ် Data ကောက်တဲ့ အဆင့်ပဲ ရှိပါသေးတယ်။ စမ်းသပ်ကာလကို မရောက်သေးပါဘူး" ဟု အဆိုပါ တာဝန်ရှိသူက ပင်စင်လစာ ထုတ်ပေးခြင်းလုပ်ငန်းကို e-Pension စနစ်ဖြင့် အကောင်အထည်ဖော်ဆောင် ရွက်သွားရန်နှင့် ပတ်သက်၍ ပြော ကြားသည်။
ဘဏ်ခွဲများတွင်လာရောက်ထုတ်ယူသည့် ပင်စင်စားများအား စာဖြင့်ဆက် သွယ်ပြီးအကြောင်းကြားခြင်းဖြင့်သော်လည်းကောင်း၊ စာထုတ်ပြန်ခြင်းဖြင့် သော်လည်းကောင်း အချက်အလက် ကောက်ယူရန် လုပ်ဆောင်နေကြောင်း မြန်မာ့စီးပွားရေးဘဏ်မှ တာဝန် ရှိသူ တစ်ဦးက ပြောသည်။
"ဘဏ်ကို လာထုတ်တဲ့ ပင်စင်စားတွေကို စာနဲ့ လှမ်းအကြောင်းကြားပါတယ်။ ဘဏ်ကို လာမထုတ်နိုင်တဲ့ ပင်စင်စားတွေကို အရင် ကတည်းက အရာရှိ တွေက အိမ်တိုင်ရာရောက် ပင်စင် သွားရောက်ပို့ပေးရင်းနဲ့ အကြောင်းကြားပါတယ်" ဟု မြန်မာ့စီးပွားရေးဘဏ်ခွဲ တစ်ခုမှ တာဝန်ရှိသူက မြန်မာတိုင်း(မ်)ကို ပြောသည်။
e-Pension စနစ်အကောင်အထည် ဖော်ရန်အတွက် ပင်စင်စားများအနေ ဖြင့် ပင်စင်စားများကိုယ်တိုင် လွန်ခဲ့သည့် ခြောက်လအတွင်း ရိုက်ကူးထားသည့် လိုင်စင်ဓာတ်ပုံတစ်ပုံ၊ မှတ်ပုံတင်မူရင်း နှင့် ပင်စင်စာအုပ်တို့နှင့်အတူ ပင်စင်စား ကိုယ်တိုင် လက်ဗွေနှိပ်ရမည်ဖြစ် ကြောင်း ၎င်းက ပြောသည်။
မြန်မာနိုင်ငံတွင် ပင်စင်စားဦးရေ ရှစ်သိန်းခန့်ရှိကြောင်း၊ ကာကွယ်ရေး ပင်စင်စား သုံးသိန်းခန့်ရှိပြီး ဦးစီးဌာန ပင်စင်စား သုံးသိန်း ၀န်းကျင်နှင့် လုပ်ငန်း အဖွဲ့အစည်းပင်စင်စား နှစ်သိန်းခန့် ရှိကြောင်း ပင်စင်ဦးစီးဌာန၏ ထုတ်ပြန် ချက်များအရ သိရသည်။
၂၀၁၁ ခုနှစ်၊ မတ်လတွင် အစိုးရသစ်မှ တိုင်းပြည်တာဝန်ကို လွှဲပြောင်း ရယူပြီးနောက် အငြိမ်းစားများ၏ ပင်စင်လစာများကို ၂၀၁၁ ခုနှစ်၊ ဇူလိုင်လက တိုးမြှင့်ပေးခဲ့သည်။
No comments:
Post a Comment