၂၆ ရက်နေ့ မနက်က KIA တို့ထောင်ထားတဲ့ မိုင်းနင်းမိတဲ့ ကချင်ကလေးမ
နိုင်ငံတော်အစိုးရအဆက်ဆက်သည် နိုင်ငံအတွင်း လမ်းပန်းဆက်သွယ်မှုကောင်းမွန်ပြီး အများပြည်သူများ သွားလာမှု အဆင်ပြေ ချောမွေ့စေရန်အတွက် လမ်း/တံတားများအား ဘဏ္ဍာငွေအမြောက်အမြား အကုန်အကျခံ၍ ဖောက်လုပ်ပေးလျက်ရှိသော်လည်း ကေအိုင်အေ(ကချင်) အကြမ်းဖက်သောင်းကျန်းသူအဖွဲ့သည် ကချင်ပြည်နယ်အတွင်း လမ်းပန်း ဆက်သွယ်သွားလာမှု နှောင့်နှေးခက်ခဲစေရန် ရည်ရွယ်၍ စစ်ရေးနှင့် မပတ်သက်သည့် ပစ်မှတ်များဖြစ်သော လမ်း/တံတားများအား ၂၀၁၁ ခုနှစ် ဇွန် ၉ ရက်မှ စဉ်ဆက်မပြတ် မိုင်းထောင်ဖောက်ခွဲ ဖျက်ဆီးလျက်ရှိရာ ၂၀၁၂ ခုနှစ် ဧပြီ ၂၀ ရက် အထိ ပေ ၁၈၀ အထက်တံတား ၁၄ စင်း၊ ပေ ၁၈၀ အောက်တံတား ၈၁ စင်းတို့အား မိုင်းခွဲဖျက်ဆီးခဲ့ကြောင်း သိရှိရသည်။ ဧပြီ ၂၁ ရက်တွင်လည်း မြစ်ကြီးနား-ပူတာအို ကားလမ်း ဆွမ်ပီယန်ကျေးရွာအနီး ပေ ၇၀ အရှည်ရှိ သံပေါင်ဘေလီတံတားအား ၀၀း၃၀ နာရီတွင် မိုင်း ထောင်ဖောက်ခွဲ ဖျက်ဆီးခဲ့၍ တံတား ကြမ်းခင်းများ ပျက်စီးခံ့သည်။ အလားတူ ဧပြီ ၂၄ ရက်ကလည်း မြစ်ကြီးနား-ဝါရှောင်-ချီဖွေ ကားလမ်း ဆင်နီကူးနှင့် မလိယန် အကြားနန့်မလိ ချောင်းကူး အရှည်ပေ ၁၅၀ ရှိ သံပေါင်ဘေလီတံတားအား ၀၂း၅၀ နာရီတွင် မိုင်းထောင်ဖောက်ခွဲ ဖျက်ဆီးခဲ့ရာ တံတားတစ်စင်းလုံး ကျိုးကျပျက်စီးခဲ့ပြီး နေ့စဉ်သွား ယာဉ်ကြီး/ယာဉ်ငယ်များ ရှောင်ကွင်းလမ်းမှ ခက်ခဲစွာနှင့် အချိန်ကြာမြင့်စွာ သွားလာနေရကြောင်း သတင်းရရှိသည်။ အဆိုပါ ပေါက်ကွဲမှုကြောင့် ပျက်စီးခဲ့သည့် တံတားများအား နယ်မြေခံတပ်မတော်သားများနှင့် ဌာနဆိုင်ရာ တာဝန်ရှိသူများက အမြန်ဆုံး ပြန်လည်ပြုပြင်လျက်ရှိကြောင်း သိရှိရသည်။
No comments:
Post a Comment