KIA နဲ့ အစိုးရတပ်များ နေ့စဉ်လိုလို တိုက်ပွဲများဖြစ်ပွားနေကြပြီး KIA တပ်ဖွဲ့ဝင်များသည်လည်း နေ့စဉ်လိုလို အစိုးရတပ်စခန်းများမှာ အလင်းဝင်ရောက်လျက်ရှိပါတယ်။ ဧပြီလ ၂၃ ရက်နေ့ မနေ့က တပ်မဟာ ၅ မှ KIA စစ်မှုထမ်း ၄ ဦးသည် တာလောကြီးရွာမှာရှိတဲ့ အစိုးရတပ်စခန်းကို အလင်းဝင်ရောက်သွားပါတယ်။ ယခုအလင်းဝင်သူများကတော့ တောင်ယာလုပ်ကိုင်ရင်း KIA တပ်မဟာ ၅ မှ ဖမ်းဆီးခံခဲ့ရသူများဖြစ်ပါတယ်။ အလင်းဝင်သွားသူ အားလုံးကတော့ တာလောကြီး ရွာသားဖြစ်ကြပြီး ရပ်ကွက် ၃ မှာနေတဲ့ တပ်ကြပ် စန္ဒာထွန်း၊ ဒုတပ်ကြပ် အောင်ထွန်းလယ်၊ တပ်သား မောင်ပြုံး၊ ရပ်ကွက် ၉ မှာနေတဲ့ ဒုတပ်ကြပ် မြင့်ဝင်း တို့ဖြစ်ကြပါတယ်။ ၄င်းတို့ဟာ ကေအိုင်အေ စစ်သင်တန်းတက်ရောက်ခဲ့ကြပြီး သင်တန်းဆင်းချိန်တွင် KIA မှ စစ်မှုထမ်းကိုယ်ပိုင်နံပတ်များ ပေးထားပြီး ပြည်သူ့စစ်များမဟုတ်ကြောင်း သိရပါတယ်။
အလင်းဝင်လာသူ ၄ ဦးမှာ ထွက်ပြေးလာချိန်တွင် ၁၂ ဦးထွက်ပြေးလာခဲ့ပြီး တပ်မဟာ ၅ မှ လိုက်လံပစ်ခတ်ဖမ်းဆီးတဲ့အတွက် လူစုကွဲသွားပြီး အလင်းဝင်လာမည့်သူ ၈ ဦးကျန်ရှိနေကြောင်း တပ်ကြပ် စန္ဒာထွန်းမှ ပြောပြပါတယ်။
No comments:
Post a Comment