မြန်မာ့အလင်း သတင်းစာကို အောက်တိုဘာ ၁ ရက်နေ့မှစတင်ပြီး အဖြူအမည်းဖြင့် မဟုတ်ဘဲ ရောင်စုံစာမျက်နှာ များဖြင့် ထုတ်ဝေမည်ဟု သိရသည်။ မြန်မာ့အလင်း သတင်းစာ ၁၆ မျက်နှာကို ရောင်စုံကာလာဖြင့် ပုံနှိပ်ထုတ်ဝေ မည်ဖြစ်ပြီး ကြော်ငြာလေးမျက်နှာကို အဖြူအမည်းဖြင့် ထုတ်ဝေမည်ဖြစ်ကြောင်း သိရသည်။ ပြန်ကြားရေးဝန်ကြီးဌာန၊ သတင်းနှင့် စာနယ်ဇင်းမှ ပုံနှိပ်ထုတ်ဝေလျက် ရှိသော ကြေးမုံ၊ မြန်မာ့အလင်း၊ The New Light of Myanmar သတင်းစာများကို အသွင်သဏ္ဍာန်နှင့် အနှစ်သာရ ပြောင်းလဲထုတ်ဝေရေး အစီအစဉ်အရ ကြေးမုံနှင့် The New Light of Myanmar တို့ကိုလည်း မကြာမီ ဆက်လက်ထုတ်ဝေမည်ဟု သိရသည်။ ကြေးမုံ သတင်းစာတိုက်တွင် စက်တင်ဘာ ၇ ရက်မှ စတင်၍ သတင်းစာဖတ် ပရိသတ်များ နံနက်စောစော ဖတ်နိုင်ရန် ၅၂ လမ်း သတင်းစာတိုက် တည်နေရာတွင် လူတစ်ဦးလျှင် တစ်စောင် ၅၀ ကျပ်နှုန်းဖြင့် ဝယ်ယူနိုင်ကြောင်း ၂၀၁၂ ခုနှစ် စက်တင်ဘာလ ၁၃ ရက်နေ့ထုတ် Popular News ဂျာနယ်တွင် ဖော်ပြထားပါသည်။
from - ခေတ်လူငယ်
No comments:
Post a Comment