ဝန်ထမ်းများ
ခရီးသွားလာခွင့်အမိန့်ဖြင့် စီးနင်းခွင့်ပြုသည့် လက်မှတ်နှုန်းထားများ
ပြင်ဆင်တိုးမြှင့် ကောက်ခံနေမှုကို သြဂုတ်လ ၁ ရက်နေ့တွင် စတင်ပြုလုပ်မည်ဟု
ရထားပို့ဆောင်ရေး ဝန်ကြီးဌာနမှ သိရသည်။ ၁၉၉၇ ခုနှစ် မေလမှစတင်၍ ဌာနဆိုင်ရာ
ဝန်ထမ်းများအနေဖြင့် ခရီးသွားလာခွင့် အမိန့်ဖြင့် လက်မှတ်ဝယ်ယူပါက
ခရီးစဉ်အလိုက် လက်မှတ်နှုန်းထား၏ ၅၀ ရာခိုင်နှုန်း လျှော့ချ၍
စီးနင်းခွင့်ပြုနေခြင်း အပေါ် ၂၅ ရာခိုင်နှုန်းသာ လျှော့ချပေးသွားတော့မည်ဟု
ရထားပို့ဆောင်ရေး ဝန်ကြီးဌာနမှ တာဝန်ရှိသူတစ်ဦးက ပြောပြသည်။
“ဝန်ထမ်းမဟုတ်တဲ့သူတွေ MO နဲ့ ဝယ်တာကို စစ်ဆေးတွေ့ရှိတာတွေ တွေ့လာတယ်။
အဲဒါကြောင့် တိုးမြှင့်တာလည်း ပါတယ်။ နောက်တစ်ခုက မြန်မာ့မီးရထား
ဝင်ငွေတိုးဖို့လည်း ပါတယ်” ဟု ယင်းတာဝန်ရှိသူက ထပ်မံပြောသည်။
မြန်မာ့မီးရထားမှ ဌာနဆိုင်ရာ ခရီးသွားလာခွင့်အမိန့်နှင့် အတူ
ဝန်ထမ်းကတ်ဖြင့် ဝယ်ယူသည့် ဌာနဆိုင်ရာ ဝန်ထမ်းများ၊ တပ်မတော်သားများနှင့်
ရဲတပ်ဖွဲ့ဝင်များ အနေဖြင့် သြဂုတ်လ ၁ ရက်နေ့မှ စတင်၍ ခရီးစဉ်အလိုက်
လက်မှတ်ခနှုန်းထားများကို ကျသင့်ငွေ၏ ၇၅ ရာခိုင်နှုန်းဖြင့်
ဝယ်ယူကြရတော့မည်ဖြစ်ကြောင်း ၂၀၁၂ ခုနှစ် ဇူလိုင်လ ၁၉ ရက်နေ့ထုတ် Popular
News ဂျာနယ်တွင် ဖော်ပြထားပါသည်။
No comments:
Post a Comment