ဓနုတိုင်းရင်းသားလူမျိုးများ ဒီမိုကရေစီပါတီအား နိုင်ငံရေးပါတီအဖြစ် မှတ်ပုံတင်ခွင့်ပြု

ပြည်ထောင်စုသမ္မတ မြန်မာနိုင်ငံတော်၊ ပြည်ထောင်စု ရွေးကောက်ပွဲကော်မရှင်၊ နေပြည်တော်၊ ဓနုတိုင်းရင်းသားလူမျိုးများ ဒီမိုကရေစီပါတီ(Danu National Democracy Party) အား နိုင်ငံရေးပါတီအဖြစ် မှတ်ပုံတင်ခွင့်ပြုခြင်း၊ ကြေညာချက်အမှတ် (၃၂/၂၀၁၂) ကို ၁၃၇၄ ခုနှစ်၊ ပထမဝါဆိုလဆန်း ၁၅ ရက် (၂၀၁၂ ခုနှစ်၊ ဇူလိုင် ၃ ရက်) တွင် ကြေညာခဲ့သည်။ အဆိုပါ ကြေညာချက်တွင်- ရှမ်းပြည်နယ်၊ ရွာငံမြို့နယ်၊ ဈေးတန်းရပ်၊ ပြည်သာယာလမ်း (မြို့နယ်ဘောလုံးကွင်း အနောက်ဘက်) ၊ ဒေါ်စန်းမြနေအိမ်တွင် ပါတီရုံးချုပ် ဖွင့်လှစ်ထားရှိသော ဓနုတိုင်းရင်းသားလူမျိုးများ ဒီမိုကရေစီပါတီ (Danu National Democracy Party) အား ၂၀၁၂ ခုနှစ်၊ ဇူလိုင်လ ၃ ရက်နေ့မှစ၍ နိုင်ငံရေးပါတီများ မှတ်ပုံတင်ခြင်း ဥပဒေပုဒ်မ ၉ နှင့်အညီ မှတ်ပုံတင်ခွင့် ပြုလိုက်ကြောင်း ကြေညာအပ်ပါသည်။ ဓနုတိုင်းရင်းသားလူမျိုးများ ဒီမိုကရေစီပါတီ(Danu National Democracy Party) ၏ မှတ်ပုံတင်အမှတ်မှာ (၅၇) ဖြစ်ကြောင်း ၂၀၁၂ ခုနှစ် ဇူလိုင် ၄ ရက်နေ့ထုတ် မြဝတီ သတင်းစာတွင် ဖော်ပြထားပါသည်။