အပြည်ပြည်ဆိုင်ရာ
ငွေကြေးရန်ပုံငွေအဖွဲ့(IMF)၏ အုပ်ချုပ်မှု ဒါရိုက်တာ ခရစ္စတင်းလာဂါ့သည်
ကမ္ဘာ့ဘဏ်အဖွဲ့၏ ဥက္ကဋ္ဌသစ်အဖြစ် ရွေးချယ်တင်မြှောက်ခံရသည့် ဂျင်မ်ယွန်ကင်မ်အား
ဇူလိုင် ၂ ရက်က နွေးထွေးစွာ ကြိုဆိုလိုက်ကြောင်း သိရသည်။ ကမ္ဘာ့ဘဏ်အဖွဲ့၏
ဥက္ကဋ္ဌသစ်အဖြစ် ဂျင်မ်ယွန်ကင်မ် စတင်တာဝန်ယူသည့် နေ့မှာပင် ၄င်းအား
နွေးထွေးစွာ ကြိုဆိုခွင့်ရသည့်အတွက် များစွာဝမ်းမြောက်မိကြောင်း၊
IMF နှင့်
ကမ္ဘာ့ဘဏ် အဖွဲ့တို့အကြား ရင်းနှီးသော ဆက်ဆံရေးမျိုးရရှိရန်လည်း
မျှော်မှန်းထားကြောင်း ခရစ္စတင်းလာဂါ့က ပြောကြားသည်။ IMF အဖွဲ့နှင့်
ကမ္ဘာ့ဘဏ်အဖွဲ့တို့သည် အထူးတာဝန်တစ်ရပ်ကို အတူတကွ
ပူးပေါင်းဆောင်ရွက်ရမည်ဖြစ်သကဲ့သို့ ဂျင်မ်နှင့် မိမိတို့သည်လည်း
ရင်းရင်းနှီးနှီး ပူးပေါင်းဆောင်ရွက်သွားရန် သဘောတူညီမှု
ရယူထားပြီးဖြစ်သည်ဟု သူမက ဆက်လက်ပြောကြားသည်။ ဂျင်မ်သည် ကမ္ဘာလုံးဆိုင်ရာ
ဖွံ့ဖြိုးတိုးတက်ရေး အဖွဲ့အစည်းကို ဦးဆောင်ရန်အတွက် ဇူလိုင် ၁ ရက်က
ရောဘတ်ဇိုလ်ခစ်ခ်၏ နေရာကို ဆက်ခံခဲ့ခြင်းဖြစ်ပြီး ဇူလိုင် ၂ ရက်မှစ၍
စတင်တာဝန်ထမ်းဆောင်ခဲ့ကြောင်း သိရသည်။ (အင်တာနက်)
No comments:
Post a Comment