From : ခေတ်လူငယ်ယာဉ်ဟောင်းအပ်နှံသည့် အစီအစဉ်အရ အပ်နှံလိုက်သည့် စီအင်န်ဂျီတက္ကစီနှင့် ခရီးသည်တင်ယာဉ်များကို စီအင်န်ဂျီယာဉ်အဖြစ် ပြန်လည်ဆောင်ရွက်ပေးလျက်ရှိကြောင်း မြန်မာ့ရေနံနှင့် သဘာဝဓါတ်ငွေ့လုပ်ငန်းမှ တာဝန်ရှိသူတစ်ဦး၏ ပြောကြားချက်အရ သိရသည်။ ယာဉ်ဟောင်းအပ်နှံ စီအင်န်ဂျီယာဉ်များအတွက် ယာဉ်အသစ် အစားထိုး တင်သွင်းလာခဲ့ပြီး ပြန်လည်ပြေးဆွဲ လုပ်ကိုင်ရန် ပြင်ဆင်လျက်ရှိရာတွင် မူလစီအင်န်ဂျီယာဉ်များကဲ့သို့ စီအင်န်ဂျီ ပြန်လည်တပ်ဆင်ခွင့် ပြုလျက်ရှိသည်။ အများအားဖြင့် တက္ကစီနှင့် ခရီးသည်တင်ယာဉ်များတွင် ခရီးသည်တင်ယာဉ်များတွင် စီအင်န်ဂျီိ တပ်ဆင်ပြေးဆွဲမှု များပြားလျက်ရှိရာ အဆိုပါယာဉ်များကို စီအင်န်ဂျီယာဉ်အဖြစ်နှင့်ပင် ပြန်လည်လုပ်ကိုင် ဆောင်ရွက်ခွင့်ပေးနေသည်ဟု သိရသည်။ “တက္ကစီတွေ၊ ဘတ်စ်တွေကို စီအင်န်ဂျီ ပြန်ပေးပါတယ်။ စီအင်န်ဂျီယာဉ်ကို အပ်ရင် စီအင်န်ဂျီ ပြန်ပေးပါတယ်။ စစ်ကျန်ဘတ်စ်ကားတွေ နေရာအစားထိုး တင်သွင်းလာတဲ့ ခရီးသည်ယာဉ်ကြီးတွေကိုလည်း စီအင်န်ဂျီ ဆောင်ရွက်ပေးနေပါတယ်။ အများပြည်သူ သယ်ယူပို့ဆောင်ပေးနေတဲ့ ယာဉ်တွေကို အဓိကထား ဦးစားပေး ဆောင်ရွက်ပေးနေပေမယ့် သဘာဝဓါတ်ငွေ့ရရှိမှု အနေအထားရကြောင့်ပါ” ဟု မြန်မာ့ရေနံနှင့် သဘာဝဓါတ်ငွေ့လုပ်ငန်းမှ တာဝန်ရှိသူတစ်ဦးက ရှင်းပြသည်။ ရန်ကုန်မြို့တွင် စီအင်န်ဂျီယာဉ်အဖြစ် ပြေးဆွဲလျက်ရှိသော မော်တော်ယာဉ်အစီးရေမှာ ခရီးသည်တင်၊ စီးတီးတက္ကစီ၊ ဌာနဆိုင်ရာယာဉ်၊ ကိုယ်ပိုင်ယာဉ်၊ ကုန်တင်ယာဉ်များ အပါအဝင် ယာဉ်အစီးရေ တစ်သောင်းခွဲကျော်ခန့်ရှိပြီး နေ့စဉ် စီအင်န်ဂျီ သဘာဝဓါတ်ငွေ့ ကုဗပေ ၁၇ သန်းခန့် ရောင်းချပေးလျက်ရှိကြောင်း ၂၀၁၂ ခုနှစ် ဇူလိုင်လ ၂ ရက်နေ့ထုတ် မြဝတီ သတင်းစာတွင် ဖော်ပြထားပါသည်။
No comments:
Post a Comment