From : ခေတ်လူငယ်
အိုင်တီနည်းပညာနှင့်ပတ်သက်သော အခက်အခဲများကို Call Center မှ ဖြေရှင်းပေးမည်ဟု သိရသည်။ လက်ရှိ CDMA 800MHz ဖုန်းများအတွက် အင်တာနက် လျှောက်ထားရာတွင် ဖုန်းနှင့် အင်တာနက် ချိတ်ဆက်ရန်အတွက် လည်းကောင်း၊ GSM နှင့် WCDMA ဖုန်းများ အင်တာနက် လျှောက်ထားရာတွင် ဖုန်းနှင့် အင်တာနက် ချိတ်ဆက်ရန်အတွက် လည်းကောင်း Setting ချိန်ခြင်းများကို ဖြေကြားပေးလျက်ရှိကြောင်း Call Center မှ သိရသည်။ Mobile ဖုန်းနှင့် ပတ်သက်သော Software နှင့် Hardware အခက်အခဲများ ဖြေရှင်းပေးခြင်းများကို လည်းဆောင်ရွက်ပေးမည်ဟု သိရသည်။ တယ်လီဖုန်းပေါ်မှ တစ်ဆင့်ဖြေရှင်း၍ အဆင်မပြေသော နည်းပညာ အခက်အခဲများအတွက်လည်း သီးသန့်ဝန်ဆောင်မှုများ ရယူနိုင်မည်ဟု ဆိုသည်။ အဆိုပါ ဆောင်ရွက်ချက်များအတွက် ၁၈၇၆ သို့ ဆက်သွယ် မေးမြန်းနိုင်မည် ဖြစ်သည်။ လက်ရှိ နေ့စဉ်ဖြစ်ပေါ်နေသော မိုးလေဝသ အခြေအနေများ၊ တစ်လအတွင်း မိုးလေဝသ ခန့်မှန်းချက်များ၊ မိုးလေဝသနှင့် ပတ်သက်သော အသိပေး ကြေညာချက်များကိုလည်း မေးမြန်းနိုင်မည်ဖြစ်ပြီး ခေါ်ဆိုခအတွက် တစ်မိနစ်လျှင် ၃၀ ကျပ်ဖြစ်ကြောင်း ၂၀၁၂ ခုနှစ် ဇူလိုင် ၅ ရက်နေ့ထုတ် Internet ဂျာနယ်တွင် ဖော်ပြထားပါသည်။
No comments:
Post a Comment